|
ALIQVID MALI PROPTER
uicinum malum.
Raptabat torrens ollas quarum una metallo,
Altera erat figuli terrea facta manu.
Hanc igitur rogat illa, uelit sibi proxima ferri,
Iuncta ut praecipites utraque sistat aquas.
Cui lutea haud nobis tua sunt comercia [commercia] curae,
Ne mihi proximitas haec mala multa ferat.
Nam seu te nobis seu nos tibi conferat unda,
Ipsa ego te fragilis sospite sola terar.
 |
