CANDIDO LECTORI S. P.

HAud merito [immerito] candide lector, nostram desyderabis diligentiam, in hijs tabellis quae huic operi adiectae sunt, elegantiores nanque picturas, & authoris grauissimi authoritas, & libelli dignitas merebantur, quod quidem nos fatemur, cupiebamusque inuentiones has illustriores tibi tradere ita, si eas quàm artificiosiss. depictas, nate [ante] oculos poneremus, nihilque (quod sciam) ad eam rem nobis defuit. Verum cum hoc non tantum magni laboris fuerit, (quem certe non subterfugimus) sed & maximi sumptus, intelligis quicquid huiuscemodi erat, id omne tibi denuo persoluendum fuisse. Vtilissimum itaque nobis uisum est, si notulis quibusdam obiter, rudioribus, grauissimi authoris intentionem significaremus, quod docti haec per se colligent, hocque ipso tibi gratificari uoluimus, si magnas delitias paruo tibi compararemus. bene uale, nostramque operam boni consule. [a2r]