FOEDERA ITALORUM.

Hanc cytharam à lembi, que forma halieutica fertur
Vendicat & propriam musa latina sibi.
Accipe Dux, placeat nostrum hoc tibi tempore munus
Quo noua cum socijs foedera inire paras.
Difficile est nisi docto homini tot tendere chordas,
Vnaque si fuerit non bene tenta fides. [a3r]
Ruptaue (quod facile est) perit omnis gratia conchae,
Illaeque praecellens cantus ineptus erit.
Sic Itali coëunt proceres in foedera, concors,
Nil est quod timeas si tibi constet amor.
At si aliquis deciscat [desciscat] (uti plerunque uidemus,
In nihilum illa omnis soluitur harmonia.