|
CLARISSIMI VIRI D. ANDREAE
Alciati in libellum Emblematum praefatio ad
D. Chonradum Peutingerum
Augustanum.
DVm pueros iuglans, iuuenes dum tessera fallit,
Detinet & segnes chartula picta uiros.
Haec nos festiuis emblemata cudimus horis,
Artificum illustri signaque facta manu.
Vestibus ut torulos, petasis ut figere parmas,
Et ualeat tacitis scribere quisque notis.
At tibi supremus pretiosa nomismata Caesar,
Et ueterum eximias donet habere manus.
Ipse dabo uati, chartacea munera uates,
Que Chonrade mei pignus amoris habe.
 |
